Продюссерлік чек-листі

Инфобизнестегі сіздің серіктесіңіз де, сататын өніміңіз де осы эксперт. Сол үшін экспертті дұрыстап таңдау қажет. Бастысы ол адам шынымен де өз саласының білікті, тәжірибелі маманы болуы керек. Оған қоса жеке бренді дамыған болса тіпті керемет.

Көп жағдайда эксперт пен продюссер доляға отырады. Доляға отыру барысында да мынандай үш нұсқа бар: 1. Егер эксперттің жеке бренді дамымаған, бірақ продюссер мықты маман болса, табыстың көп бөлігін продюссер алады. 2. Егер эксперттің жеке бренді мықты дамыған, ал продюссер бұл салаға жаңадан келген маман болса, табыстың көп бөлігін эксперт алады. 3. Егер эксперттің жеке бренді дамыған, продюссер де өз саласының мықты маманы болса, екеуі 50/50 келіссе болады.

Мысалы сіз эксперт ретінде психологты тапсаңыз, нақты қай сала бойынша білім бересіз. Ешқандай психолог жалпы психология бойынша курс жасамайды ғой. Мысалы эксперт отбасыдағы қарым-қатынас бойынша мықты білуі мүмкін. Демек сіздер осы сала бойынша курс жасап, осы тақырыпқа қызығатын аудиториямен жұмыс істейсіздер. Яғни сала таңдағанда психология секілді үлкен салаға жүгірмей, кішкентай саланы таңдау керек.

Сіздер таңдаған саланың қаншалықты сұранысқа ие екенін тест жасамайынша біле алмайсыздар. Сондықтан ең бірінші шағын марафон жасап, соны сатып көрсеңіздер болады. Сол кезде сіздер аудиторияның саны мен сапасын, сіздер таңдаған салаға олардың дайын немесе дайын емес екенін біле аласыздар.